آپ سب کا میں تہہ دل سے شکریہ ادا کرتا ہوں ۔ اللہ پاک ہمارے دلوں میں موجود اس محبت کو قائم و دائم رکھے۔۔۔۔آپ سب کا بہت بہت شکریہ کہ آپ لوگوں اپنا قیمتی وقت دیا۔۔۔کاش کہ محترمہ ایف سولہ بھی یہاں آخری پوسٹ کردیتیں کہ ان کے جوابات اور پوسٹ سے انٹرویو کا مزا دوبالا ہوا ۔۔۔ پر شاید وہ زیادہ ہی مصروف ہیں اس لیے نہیں آسکیں ۔ بہرحال کیا کہ یا کرسکتے ہیں۔
ghalib_awan said:
شروع اللہ پاک کے نام سے جو بڑا مہربان نہایت رحم کرنے والا ہے
سب دوستوں کو السلام علیکم
میں آپ دوستوں کا شکریہ ادا کرتا ہوں کہ آپ نے مجھے اپنے خیالات کے اظہار کا موقع دیا
سفیان بھائی ان لوگوں میں سے ہیں جن کو دوسروں کے دل میں جگہ بنانے کے لیے کوئی محنت یا کوشش نہیں کرنا پڑتی، سو، سفیان بھائی بھی فورم پر ہمارے عزیز ترین دوستوں کی فہرست میں فورا شامل ہو گئے، اور ان کی محبت نے ہمیں ان کا گرویدہ بنا دیا
سفیان بھائی کے انٹرویو کا جب فیصلہ ہوا تو میں اس وقت آئی ٹی ڈی ونر کے طور پر وی آئی پی سیکشن میں موجود تھا، اس لیے انٹرویو شروع ہونے سے پہلے ہی پتا چل گیا کہ کس کا انٹرویو ہونے لگا ہے، خاص طور پر سفیان بھائی نے جن تیور کے ساتھ اپنے عزائم کا اظہار کیا تھا، اس سے کچھ کچھ پتا چل گیا تھا کہ اب کی بار کچھ الگ ہونے والا ہے
پھر جب انٹرویو شروع ہوا اور شہزاد بھائی کے بے تحاشا سوالات آئے، تو اس وقت سفیان بھائی کےاپنا ہی کشتہ کھا کر بے ہوش ہو جانے کی خبریں گردش کرنے لگیں، لیکن سفیان بھائی نے جس تیزی اور خو بصورتی کے ساتھ سوالات کے جوابات دیے، وہ باقیوں کی طرح میرے لیے بھی حیران کن تھا، خیر شہزاد بھائی کے ساتھ ساتھ، حماد اور سیفی کے زبردست سوالات بھی آتے رہے، جن کے خوبصورتی کے ساتھ جوابات آتے رہے، میں وقت کی کمی کے باعث زیادہ سوالات تیار نہیں کر پایا، اس لیے صرف ایک دفعہ ہی سوالات پوسٹ کیے، جن کے حسب معمول بہت خو بصورت جوابات آئے
آپ نے ہم نالائقوں کےسوالات کے جس خوبصورتی سے جوابات دیے، وہ یقینا قابل ستائش ہے، اور آپ نے ہمارے سوالات پر کوئی ناک بھوں نہیں چڑھائی، جو آپ کی اعلی ظرفی اور دریا دلی کا ثبوت ہے.
آپ کے بارے میں یہاں پر بہت زیادہ پتا چلا جس سے ہمارے دل میں موجود آپ کی قدر میں مزید اضافہ ہوا، خصوصا آپ کے علم اور اس کے طلب نے مجھے بہت متاثر کیا
میری دعا ہے کہ اللہ پاک آپ کواور آپ کی فیملی کو ہمیشہ اپنی حفظ و امان اور اپنی رحمتوں اور اپنی برکتوں کے سائے میں رکھے
آمین
اگر آپ ہمارے حق میں بھی دعا کر دیا کریں تو کیا ہی بات ہے
isma muneer said:
سفیان برو بہت اچھا لگا آپ کے بارے میں جان کر
بہت زبردست انٹرویو رہا
کوئی بات بری لگی ہو تو معافی
آپ کیلئے دعا
saifullah878 said:
السلام علیکم ورحمتہ اللہ و برکاتہ
شروع کرتا ہوں اس پروردگار کے نام سے جو نہایت مہربان رحم کرنے والا ہے
سب سے بہلے میں شہزاد بھائی کا تہہ دل سے ممنون ہوں کہ انہوں نے مولوی صاحب کی خوب خبر لی۔۔۔۔۔۔۔۔۔۔
یہ خبر دنڈوں سوٹوں سے نہیں بلکہ سوالات سے دس من کے بورے کے ساتھ لی
اس کے بعد نیم حکیم صاحب جو آج کل انٹرویو کے بعد کشتے کھانے میں مصروف ہیں اور مزے لے رہے ہیں
مولوی صاحب نے ویسے اپنی صحت سے زیادہ کام کیا ہے
اور اس کے بعد آتے ہیں حماد پاجی کی طرف جنہوں نے بھی مولوی صاحب کی ناک میں صحیح دم کر رکھا تھا۔۔۔۔۔۔۔۔۔۔۔
اور پھر غالب مکان پاجی ان کی تو گلیں چھڈیں۔۔۔۔۔۔۔۔۔
اور پھر اس کے علاوہ باقی سب دوستوں کا شکریہ ادا کرتےہیں
جیو جی جیو مولوی صاحب
جیو جی شہزاد پاجی صاحب
باقی سب جیو لیکن اپنے خرچے تک
کوئی غلط لکھا گیا تو معافی مانگ لینا
والسلام
~i*am*hummad~ said:
السلام علیکم ورحمتہ اللہ وبرکاتہ
مولوی صاحب کچھ لوگ ایسے ہوتے ہیں ، جن کے ساتھ جذباتی حد تک خود بخود ہی اُنسیت پیدا ہو جاتی ہے، دل اُن کی طرف مائل ہونا شروع ہو جاتا ہے، اُن کے بارے میں باتیں پڑھنا، اُن سے باتیں کرنا اچھا لگتا ہے۔
یہاں پر بہت سے ایسے دوست موجود ہیں۔ جن پر کسی دُنیاوی غرض سے نہیں بلکہ اُن کا دینی اور اخلاقی علم اور رویہ اُن سے ملنے جلنے پر مجبور کر دیتا ہے۔ یہاں پر اُن لوگوں میں خاص طور پر شہزاد بھائی، فصیح الدین بھائی، قاری حسان بھائی قابل ذکر ہیں۔
سفیان بھائی کے بارے میں کچھ تھریڈز میں پڑھا۔ پھر ایک دو تھریڈز میں ان کے اپنے کمینٹس پڑھے۔ معلوم ہوا کہ نہ صرف یہ ایک علم کا سمندر اپنے دل میں رکھتے ہیں بلکہ ایک زندہ دل دوست بھی ہیں۔ یہی دو کوالٹیز مجھے یہاں آنے پر مجبور کرتی رہیں۔
میں اس فورم پر چند وجوہات کی بنا پر دو ہزار نو کے بعد سے زیادہ وقت نہیں دے پایا۔ دو ہزار نو میں ہی میری پوسٹس نو ہزار سے اوپر نکل چُکی تھیں۔ مگر فور فیگرز سے فائیو فیگرز کی سمت معمولی سا فاصلہ بھی کراس نہیں ہو رہا تھا۔
اس تھریڈ میں تو میں نے تنہا ہی چھ سو سے زائد پوسٹس کر چھوڑیں، اسی سے معلوم ہو جاتا ہے کہ میرے لئے کتنی اُنسیت پیدا ہو گئی تھی سفیان بھائی کے ساتھ۔
میری دعا ہے کہ اللہ ان کے علم اور حلم میں مزید ترقیاں عطا فرمائے۔ اور ہم نالائق لوگ ان کی عالمانہ دعاؤں میں ہمیشہ موجود رہیں۔ ان کی شفقت کے حصول میں کبھی ناکام نہ رہیں۔ اللہ ان کی جان، مال، عزت، آبرو میں بھی اپنی رحمتیں اور برکتیں عطا فرمائے، اور انہیں وہ سب کچھ عطا فرمائے جس کی انہوں نے کبھی بھی تمنا کی ہو۔ آمین ثم آمین
*malik* said:
سفیان بھائی
ماشااللہ بہت اچھا انٹرویو رہا آپ کا
کافی عرصے بعد کوئی ایسا انٹرویو ہوا جس میں ہر وقت چہل پہل دیکھنے کو ملتی رہی۔
بہت عرصے بعد اس سیکشن کی رونقیں بحال ہوئیں۔
آپ کے بارے میں جان کر بہت خوشی ہوئی۔اللہ پاک سے دعا ہے کہ آپ جہاں رہیں خوش رہیں۔
آمین
Senior Member+
Posting Permissions
Bookmarks