Sadiyon Say Jaaghi Aankhon Ko
Sadiyon Say Jaaghi Aankhon Ko
Ek Baar Sulaanay Aa Jao
Mana K Tum Ko Pyaar Nahin
Nafrat Hi Jataanay Aa Jao
Jis Moor Pay Mujh Ko Choor Gaye
Main Bethi Ab Tak Sooch Rahi
Kia Bhool Howi Kion Judda Howay
Bas Yeh Samjhanay Aa Jao
Har Lumha Teri Furqat Main
Main Tarap Rahi Main Taras Rahi
Meri Maanoon Tum Is Dil Ko
Kuch Pal Behlaanay Aa Jao
Qatra Qatra Shabnam Say Pyaas
Bujhti Nahin Barh Jaati Hai
Tum Apni Ek Jhalak Dekha Kar
Ab Meri Pyaar Barha Jao
Shayad Yeh Jeena Aasaan Ho
Gar Dil Main Koi Armaan Na Ho
Meri Barhti Har Hasrat Ko
Haathon Say Jalaanay Aa Jao
Mujh Par Laakh Sitam Dhaao
Ya Dard K Pehloo Main Rakho
Is Say Pehlay Aankhain Moondoon
Merey Khaab Churaanay Aa Jao
Aslam,Taj,Roni
Bookmarks