Arslanshani0 said:
وہم ایک ایسی بیماری ہے جو انسان کو نفسیاتی بنانے کے ساتھ ساتھ موت کے دہانے تک لے جاتی ہے . بظاہر یہ کوئی بیماری نہیں ہے لیکن اس کے مسائل بیماری سے بھی زیادہ خطرناک ہیں . مجھے بھی وہم تھا کہ میرا سانس بند ہوجاتا ہے اور میں اسے اپنے اوپر حاوی کرتا رہا یہ تقریبا ایک سال پہلے کی بات ہے اور رمضان کا پہلا روزہ تھا میں سحری کا کھانا کھا رہا تھا کہ اچانک مجھے ایسا لگا جیسے میرا سانس بند ہورہا ہے حالانکہ مجھے کوئی سانس کی بیماری نہیں ہے . پھر آئے دن میرے ساتھ یہی معاملہ رہنے لگا جب رات ہونے لگتی تو ساتھ ہی مجھے ایسا لگنے لگتا کہ میرا سانس بند ہو رہا ہے . میں نے مختلف ڈاکٹرز کو چیک کرایا سب نے میری بات سن کر اور علامات سن کر اور کچھ ضروری باتیں پوچھ کر یہیں کہا کہ مجھے کوئی ایسی بیماری نہیں ہے جس سے سانس رک جائے یعنی کہ مجھے دمہ بھی نہیں ہے . ایک ڈاکٹر نے تو یہ بھی کہا کہ میں نفسیاتی مریض بنتا جا رہا ہوں . حالانکہ میں پارٹ ٹائم خود ایک ڈاکٹر کے پاس کام کرتا ہوں اس نے بھی مجھے یہی کہا کا مجھے کوئی بیماری نہیں صرف وہم ہے . میں ایک ایسے آدمی کے پاس گیا جو دم درود کرتا تھا اور مخصوص دنوں میں اس کے پاس موجود آدمی میں جنات کی آمد ہوتی ہے جس دن میں اس کے پاس گیا تو وہ دن انہی مخصوص دنوں میں سے تھا اس نے مجھ سے پوچھا کہ تمہارا کیا مسئلہ ہے میں نے اسے اپنا مسئلہ بتایا تو اس نے کچھ پڑھ کر ساتھ بیٹھے آدمی پر کچھ پڑھ کر پھونکا اور اس میں جن کی آمد ہوئی . پہلے آدمی نے دوسرے آدمی سے کہا کہ اس بچے کو چیک کر کے بتاؤ کہ اس کے ساتھ کیا معاملہ ہے تو اس نے میرا ہاتھ پکڑا اور کچھ دیر بیٹھا رہا اور پھر بولا کہ میرے پھیپھڑے کالے سیاہ ہو چکے ہیں . میں دوبارہ اس آدمی کے پاس نہیں گیا حالانکہ وہ کچھ ہدیہ وغیرہ نہیں لیتا تھا اور ویسے بھی میرا اس پر یقین نہیں رہا کیونکہ غیب کا علم صرف اللہ کو ہے .
جیسے جیسے دن گزرتے گئے میرا وہم ختم ہوتا گیا.
اس ساری بات کا مقصد یہ ہے کہ اگر آپ کے ساتھ بھی کبھی ایسا معاملہ ہوتو خود پر بھروسہ کیجئے اور وہم کو اپنے اوپر حاوی مت ہونے دیں . اور نہ ہی کسی پیر فقیر کے چکر میں پڑیں بلکہ اللہ سے رجوع کریں .
Bookmarks