Windows 7 ’ونڈوز 7‘ کا تجرباتی ورژن جاری

**Wafa** · 11th January 2009, 01:11 PM

Source: bbc

’ونڈوز 7‘ کا تجرباتی ورژن جاری

’یہ نظام سافٹ ویئر کے بارے میں صارفین کی رائے بدل کر رکھ دے گا‘
مائیکروسافٹ کے کمپیوٹر آپریٹنگ نظام ’ونڈوز‘ کا نیا ورژن ’ونڈوز7‘ تجرباتی مقاصد کے لیے جاری کر دیا گیا ہے۔

بل گیٹس کی جگہ مائیکرو سافٹ کی سربراہی سنبھالنے والے سٹیو بلمار نے لاس ویگاس میں جاری ’ کنزیومر الیکٹرانکس شو‘ کے دوران اپنی تقریر میں اعلان کیا کہ سافٹ ویئر ڈویلپرز کو ’ونڈوز 7‘ کا بیٹا ورژن دیا جا رہا ہے جبکہ نو جنوری سے عوام ونڈوز کے اس نئے ورژن کو اپنے کمپیوٹرز پر ڈاؤن لوڈ کر سکیں گے۔

انہوں نے کہا کہ اگرچہ یہ ’ونڈوز 7‘ کا تجرباتی ورژن ہے تاہم اس میں مکمل آپریٹنگ نظام کی ’تقریباً تمام‘ خصوصیات دی گئی ہیں اور یہ سافٹ ویئر کے بارے میں صارفین کی رائے بدل کر رکھ دے گا۔

خیال کیا جا رہا ہے کہ مائیکروسافٹ عام صارفین کو محدود تعداد میں ہی ’ونڈوز 7‘ کا بیٹا ورژن فراہم کرے گی۔ اس نظام کو چلانے کے لیے ضروری ہے کہ صارف کے کمپیوٹر کے پراسیسر کی رفتار اور ریم کی استعداد کم از کم ایک گیگا ہرٹز ہو، اس کے کمپیوٹر کی ہارڈ ڈرائیو پر سولہ گیگا بائٹ جگہ موجود ہو، اس میں 128 میگا بائٹ کی ویڈیو میموری ہو اور اس میں ڈی ایکس 9 گرافکس کو دکھانے کی صلاحیت ہو۔

’ونڈوز 7‘ نظام میں ایک ’ہوم گروپ‘ سسٹم بھی موجود ہے جو کہ ویڈیوگیمز کنسولز، پرسنل کمپیوٹرز اور میڈیا سروز کو ایک ’لوکل نیٹ ورک‘ کی شکل دے دیتا ہے اور یہ تمام مشینیں آپس میں میڈیا اور مواد بانٹ سکتی ہیں۔

سٹیو بلمار کا کہنا تھا کہ انہیں یقین ہے کہ کمپیوٹر، فون اور ٹی وی آنے دنوں میں اس طرح ساتھ مل کر کام کریں گے کہ یہ ایک ڈیجیٹل’ایکو سسٹم‘ کی شکل اختیار کر لیں گے۔

اسی کانفرنس میں سٹیو بلمار نے یہ بھی اعلان کیا کہ مائیکروسافٹ نے سوشل نیٹ ورکنگ ویب سائٹ فیس بک سے ایک معاہدہ کیا ہے جس کے تحت ممبران کو ان کے ذاتی صفحہ پر کی جانے والی تبدیلیوں کے بارے میں ان کے ونڈوز لائیو صفحات پر بھی مطلع کیا جائے گا۔

**ITKING** · 11th January 2009, 01:20 PM

good news leken specification requirements bht heavy hian

**shazy** · 11th January 2009, 02:22 PM

ITKING said:

good news leken specification requirements bht heavy hian

bhai wo dor bhi to yad karay jab hum win98 say windows XP par convert hooway thay tab bhi hum nay yeho kaha tha. 1999 mai jab mai nay pehle computer lia tha tab mai 6th class mai tha and meri hard drive sirf 1.5gb ki thi

. 2002 mai jab mai nay 10gb ki hard drive lgai and winxp ki to mai kaha lo ji ye to kam nahi theek itni heavy.

lekin aaj aa, tor par sab k pas 80gb hard, achay processor, aur achi rams and achay vga cards hai.

ab to market mai 160gb say lekar 500gb tak hards hai jo bohat mehngi nahi hai. to mera nahi kheyal k mustaqbil qareeb mai humay ye requirements bohat zeyada lagay gi.