اہل تقوی کی صورت بنا لیجئے
نور سنت سے چہرہ سجا لیجئیے
روز محشر شفاعت سے نہ محروم ہوں
اپنی مونچھیں نہ زیادہ بڑھا لیجیے

بال سر پر انگریزی نہ رکھئے جناب
اس کو سنت سمجھ کر کٹا لیجئے
ٹخنے ڈھکنا کبیرہ گناہ ہے جناب
شلوار ٹخنوں سے اوپر اٹھا لیجئے

ہو اگر غیر محرم مقابل کوئی
اپنی نظر کو فورا جھکا لیجئے
اپنے کانوں سے گانے نہ سنیے کبھی
ان کو قہر الٰہی سے بچا لیجئے


اپنے قابو میں رکھئے خود اپنی زبان
مت اس سے کام بےفائدہ لیجئے
اشک جاری نہ ہوں گر آنکھ سے
رونے والوں کی صورت بنا لیجئے


پڑھ کے دو رکعتیں آپ حاجات کی
اپنے اللہ کو رو کر منا لیجئے
جس کی رحمت کے ہیں آپ امیدوار
اس کے پیاروں کی سی سیرت اپنا لیجئے