Ab k tajdid-e-wafa ka nahi imkaa'n jaana'n,
Yaad kya dilaein tujhy tera peema'n jaana'n...!
Yonhi mosam ki adda dekh kr koi yaad aaya hy,
Kis qadar jalad badal jaty hein insaa'n jaana'n...!
Zindgi teri atta thi so tery naam ki hy,
Hum ny jesy bhi basar ki tera aehsa'n jaana'n...!
Dil ye kehta hy k shayed ho fasurda tu bhi,
Dil ki kya baat karein dil to hy nadaa'n Jaana'n...!
Awal awal ki muhbt k nashy yaad to kar,
By piye hi tera chehra tha gulistaa'n jaana'n...!
Aakhir aakhir to ye aalam hy k ab hosh nhi,
Rag-e-meina sulgh uthi k rag-e-jaa'n jaana'n...!
Mudaton sy yahi aalam na tawaqu na umeed koi,
Dil pukary hi chla jata hy jaana'n jaana'n...!
Ab k kuch aesi saji mehfil-e-yaara'n jaana'n,
Sar-ba-zanu hy koi sar-ba-girebaa'n jaana'n...!
Har koi apni hi awaz sy kanp uthta hy,
Har koi apny hi saye sy hy hirasaa'n jaana'n...!
Jis ko dekho wohi zanjeer bapa lagta hy,
Shehar ka shehar howa dakhil-e-zinda'n jaana'n...!
Ab k tera zikar bhi shayed kisi ghazal mein aaye,
Or k or howy dard k unwaa'n jaana'n...!
Hum k ruthi howi rut ko bhi mana lety thy,
Hum ny dekha hi na tha mosam-e-hijra'n jaana'n...!
Hosh aaya to sabhi khwab thy reza reza,
Jesy urty howy ooraq-e-paresha'n jaana'n...!
Best Regards,
Adnan Qaiser
Bookmarks