ورجینیا …پاکستان میں جاسوس طیاروں کے میزائل حملوں کے خلاف واشنگٹن میں جنگ مخالف کارکنوں نے سی آئی اے کے دفتر اور سابق نائب صدر ڈک چینی کے گھر کے سامنے احتجاج کیا ۔ جنگ مخالف کارکنوں ورجینیا میں سی آئی اے کے ہیڈ آفس کے سامنے جمع ہوئے اور مارچ کیا ۔ مظاہرے کے منتظمین نے پاکستان میں ڈرون حملے فوری طور پر روکنے کا مطالبہ کیا اور کہا کہ یہ حملے یکسر ناقابل قبول ہیں ۔ ان کا کہنا ہے کہ اگر ڈرون حملے سے ایک مشتبہ دہشت گرد ہلاک ہوتا ہے تو اس کے ساتھ سو عام لوگ بھی مرتے ہیں ۔سی آئی اے ہیڈکوارٹرز کے سامنے مظاہرے کے بعد مظاہرین نے سابق نائب صدر ڈک چینی کے گھر کی طرف بھی مارچ کیا ۔ منتظمین نے ڈک چینی پر جنگی جرائم ، انسانیت کے خلاف جرائم اور دیگر سنگین جرائم کے الزامات لگائے ۔ یہ مظاہرہ پیس آف ایکشن مہم کا حصہ ہے جو امن کی علم بردار سنڈی شیہان Cindy Sheehan نے شروع کی ہے ۔ سنڈی کا بیٹا Casey اپریل دو ہزار چار میں عراق میں مارا گیا تھا اور وہ تب سے امن کے خواب کو حقیقت کا روپ دینے کی جدوجہد کررہی ہیں ۔
Bookmarks